Luis Figo ishte i ftuar në programin “El Hormiguero”, edhe për t’iu përgjigjur një prej anekdotave më të famshme në kohën kur luante për Realin e Madridit me Ronaldon.
Gjatë asaj kohe, Presidenti Perez i kishte kërkuar Brazilianit Ronaldo, që të rrallonte daljet e tij natën vonë, ndërsa ky i fundit i ishte përgjigjur me shaka, që nëse do të kishte një grua si të Figos nuk do të dilte nga shtëpia.
Figo e komenton këtë histori me humor, dhe thotë se e ka “falur” që i ka ngacmuar gruan:
“Ronin e njoh dhe e dua shumë. Gjithsesi kur unë dal, ndodh sepse gruaja im fle. Helenën e njoha në Barcelonë. Kisha disa miq që kishin një agjenci dhe ajo punonte atje. Herën e parë që e pashë ishte në një restorant, por nuk ndodhi atje që nisëm të frekuentoheshim. Helen është elegante, e zgjuar, e bukur, një nënë shumë e mirë dhe mbi të gjitha është edhe një njeri i mirë”.
