Një femër e infektuar me virusin Zika ka lindur foshnjën e saj sot në Barcelonë të Spanjës.
Sipas spitalit ku ka lindur foshnja me virusin Zika, ky është rasti i parë i lindjes së fëmijëve me këtë virus në Evropë, shkruan AFP.
Sipas agjencisë franceze nëna e fëmijës është infektuar më këtë virus në Amerikën Latine. Sipas të dhënave të Organizatës Botërore të Shëndetësisë, virusi “Zika” ka hyrë edhe në Europë, në Francë dhe Mbretërinë e Bashkuar nga persona, të cilët kanë qenë në vendet e Amerikës Latine.
Ndërsa në Brazil, Kolumbi e shtete të tjera ajo po prek në masë popullatën, përfshi edhe gratë shtatzëna. Dëmtimet në trurin e porsalindurave nga virusi “Zika”, kanë detyruar disa vende të Amerikës Latine të marrin vendime drastike, duke ndalur shtatzënitë deri në vitin 2018.
