Kreu i qeverisë është shprehur se edhe pse Franca e ka zbehur shpresën për një “PO” për çeljen e negociatave, duhet të presim deri nesër para dite pasi ende vijojnë bisedimet për Shqipërinë dhe Maqedoninë e Veriut.
Në një komunikim për “Open”, Rama u shpreh se Evropa e ka thënë qartë se nuk jemi ne problemi që nuk do të çelen negociata, por reformimi i brendshëm që ata po kërkojnë të bëjnë para se të pranojnë vendet aspirantë.
Një vit më parë ju i thatë shqiptarëve që negociata u hapën, kjo nuk ka qenë e vërtetë me sa duket, çfarë ka ndryshuar që atëherë?
Nuk e thash unë, e shkruaji e zeza në të bardhe KE, qeveria e BE. Dëgjova zotërinjtë në studio dhe desha të them se ndarja e Shqipërisë nga Maqedonia nuk ka qene një pozicion i shumicës por ka qenë një qasje ne një numri shumë të vogël vendesh, e vendeve që sot janë në anën e atyre që nuk refuzojnë Shqipërinë dhe Maqedoninë, sepse kjo është kulmi.
Të gjithë krerët i thonë shqiptarëve dhe Maqedonisë së ky është një problem i joni dhe s’ka të bëjë me ju, ndërsa gjithologët e ulur në katundin e mediave tona vazhdojnë me avazet se lidhet me ne.
Gjermania po mbron ende idenë për çeljen e negociatave, dhe Franca apo dy tre vende të tjera pas saj, mbrojnë idenë se nuk duhet vazhduar më tutje, por duhet një qasje e re në BE dhe këndvështrim tjetër për vendet aspirantë.
Jemi në kushtet se asgjë nga këto që kemi bërë dhe duhet të bëjmë nuk kanë lidhje me atë që po debatohet në tryezën e BE.
Megjithatë fjala e fundit nuk është thënë, do thuhet nesër, dhe pse qëndrimin i Francës lë pak shprese për të pasur një dritë jeshile nesër.
Të presim deri nesër për përgjigjen përfundimtare.
