Mbrëmjen e djeshme është mbajtur festa e përvitshme e “Top Medias”. Kjo festë u organizua në ambjentet ku do të bëhet shtëpia e “Big Brother”. Gjatë kësaj feste prezantuesit Isli Islami dhe Ori Nebiaj zbuluan programet që do të shfaqen në Top Channel. Ndër programet që përmendën, mes tyre ishte edhe “Big Brother”. Isli Islami zbuloi se “Big Brother” do të nisë vitin tjetër, në 2020.
Rikthimi i spektaklit më të ndjekur në Shqipëri është përfolur prej kohësh dhe mesa duket lajmet paskan qenë të vërteta. Ende nuk dihet nëse drejtuese e këtij spektakli gjatë të shtunave do të jetë Arbana Osmani, apo ndonjë figurë tjetër e njohur e ekranit të Top Channel.
