Ndërsa policia çdo ditë njofton për mijëra rrënjë bimë narkotike të asgjësuara, imazhet që vijnë nga Vlora flasin për një sukses të ‘biznesit’ të kultivimit të kanabisit. Gazetari Enrik Mehmeti ka publikuar në faqen e tij në facebook një video ku shfaqet një aeroplan i vogël, (bazuar kjo tek lartësia ku fluturon), ndërsa zhurma është e qartë.
Ashtu siç edhe ngre pyetje gazetari në fjalë, nuk dihet nëse ky avion po monitoron nga ajri bregdetin apo po pret ndonjë ngarkesë me kanabis.
Vlora së fundmi është një nga zonat më të përfolura për trafikun ajror të drogës. Edhe mediat italiane e kanë përmendur Vlorën si një nga pikat nga ku nisen avionët me tonelata droge që kanë si destinacion Italinë.
(Boldnews)
