Seanca plenare është ndërprerë pas përplasjeve në Kuvend mes deputetit Ralf Gjoni dhe ministrit të Shtetit për Mbrojtjen e Sipërmarrjes, Eduard Shalsi.
Të dy, nga foltorja e Kuvendit, kanë folur për projektligjin “Për Korporatën e Investimeve Shqiptare”. Shalsi ka mbrojtur projektligjin q qeverisë, ndërsa Gjoni e cilësoi “një masakër kushtetuese që mban era korrupsion dhe grabitje”.
Ishte fillimisht ministri që doli në foltore duke dhënë argumente pro projektligjit. Më pas, Gjoni e kundërshtoi. Mes tyre nisën replikat dhe teksa ishte radha e ministrit për të folur nga foltorja, Gjoni i mori mikrofonin nga dora ministrit Shalsi.
Deputeti ka filluar të flasë, por mikrofoni është mbyllur.
Truprojat kanë rrethuar foltoren. Duke parë se Gjoni nuk i përgjigj thirrjeve të saj për tu larguar nga foltorja, drejtuesja e seancës Vasilik Hysi e ndërpreu duke shpallur “5 minuta pushim”.
