Reali i Madridit raportohet që do të bëjë një ofertë të madhe për N’Golo Kante, pasi dështoi në transferimin e Paul Pogba këtë verë.
Galaktikët dështuan të sigurojnë firmën e mesfushorit francez, pavarësisht një interesimi të gjatë përgjatë gjithë merkatos së verës.
Por, duket se planet kanë ndryshuar për sa i përket mesfushës, pasi pritet që klubi madrilen të sakrifikojë James Rodrigues plus 86 milion euro me qëllim që të bëjë të tijin mesfushorin e Chelsea, Kante-lajm ky që bëhet i ditur nga gazeta madrilene “El Desmarque”.
“El Desmarque” gjithashtu raporton se për Zinedine Zidane ky do të ishte “nënshkrimi i ëndrrave” dhe se ka për qëllim që ta bashkoi atë në qendër të mesfushës së bashku me Casemiron.
Tanimë pritet vetëm përgjigja e Chelsea për këtë ofertë të majme.
