Një ngjarje e rëndë ka ndodhur natën e djeshme në Perugia, ku 6 persona kanë përfunduar në spital. Dy persona janë arrestuar nga policia, midis të cilëve një grua rumune, dhe një shtetas shqiptar, për akuzën e rëndë të tentativës për vrasje. Të arrestuarit ishin të dashur.
Gjithë ngjarja ka nisur kur shqiptari bashkë me të dashurën e tij rumune, kanë vendosur të kalojnë mbrëmjen në një klub nate në Ponte San Giovani, në Perugia. Por aty kanë takuar papritur dhe ish-partneren e shqiptarit, gjithashtu të shtetësisë rumune.
Ky ka qënë momenti ku kanë nisur dhe mosmarrëveshjet midis rumuneve, të cilat kanë përfshirë në sherr edhe disa meshkuj të tjerë që i shoqëronin.
Ngjarja ka ndodhur në orën 3:30 të natës, dhe kanë mbetur të plagosur me thikë 6 persona, midis të cilëve dhe dy gratë rumune, përkatësisht 30 dhe 21 vjeç. Një burrë 38-vjeçar, pjesëmarrës në sherr është plagosur rëndë dhe është dërguar menjëherë në spitalin Santa Maria. Ndërkohë personat e tjerë të përfshirë, janë plagosur rëndë në qafë, shpinë këmbë e kyçe.
Plagët e tyre janë shkaktuar me thikë, dhe në sherr mendohet të ketë qënë i përfshirë edhe një kosovar. Policia po vazhdon të hetojë ngjarjen.
