Kryetarja e LSI-së, Monika Kryemadhi, ka bërë një deklaratë të fortë mbrëmjen e sotme në “Real Story” lidhur me qëndrimin e ndërkombëtarëve ndaj krizës politike në vend.
“Ne kemi pasur një armik, dhe që ka qenë partner në krijimin e situatës ku jemi sot, dhe që janë ndërkombëtarët”, u shpreh Kryemadhi.
Ajo theksoi se ne jemi në këtë gjendje për shkak të ndërhyrjes së ambasadorëve në punët e brendshme të Shqipërisë.
“Unë jam një nga njerëzit që debatoj më shumë me të huajt. Mua nuk më shantazhon dot asnjë”, u shpreh Kryemadhi.
“Çdo ambasador i huaj mendon për vendin vendin e tij. Ata nuk mendojnë për të mirën e Shqipërisë. Ke ti ndonjë biznes shqiptar në Itali, Gjermani… Nënshtrimi dhe partneriteti janë dy gjëra të ndryshme me të huajt. Unë jam partnere me të huajt dhe jo e nënshtruar”, tha Kryemadhi.
