Marsida Qatja vijon të jetë objekt i diskutimeve në debatet televizive, ndërsa mbrëmjen e djeshme kishte vendosur që të rijepte versionin e saj për ngjarjen e ndodhur në banesën e saj, në një rrëfim për emisionin Open.
Teksa panelsitët kanë dhënë argumentet e tyre, ka ndërhyrë në një lidhje telefonike dhe avokati i Marsidës, Edmond Petraj, i cili tha se ngjarja po trajtohet me maskilizëm.
“Po shikoj një maskilizëm aty ndaj Marsidës ndërkohë që dinamika nuk është e tillë.
Në lidhje me raportin që u shprehet se ajo flet sikur po jep konferencë shtypi, duhet të kuptoni që ajo ndodhet në kushte presioni dhe dhune, pasi është traum të ndodhësh në një ngjarje të tillë. Ajo është future në kurth për tu shfajësuar nga opinion i Kavajës.
E dyta që Kreshniku thotë se “ajo është dashnorja e gjysmës së Kavajës”, theksoj është një vajzë shumë e rregullt. Ka tre fëmijë. Raporti që ajo ka me ngjarjen është mëse real dhe ashtu siç është shprehur ajo”, ka deklaruar avokati Petraj.
Burime bëjnë me dije se Marsida Qatja ka frikën e ndonjë arrestimi të mundshëm për kokainën e gjetur në shtëpinë e saj. Edhe pse nuk ka rezultuar përdoruese, të paktën nga ajo që është deklaruar deri tani, burimet shtojnë se ajo mund të jetë pjesë një rrjeti të trafikut të drogës në bashkëpunim me persona të tjerë.
Fakti që droga u gjet në shtëpinë e saj nuk e përjashton Marsidën nga trafik, apo përdorim. Megjithatë, avokati Edmond Petraj ka marrë tashmë në dorë të gjithë procedurën për të mbrojtur klienten e tij, nëse do të ngrihet ndonjë akuzë konkrete.
