Thirrje raciste janë dëgjuar në përballjen mes Bullgarisë e Anglisë, që po luhet në Sofje.
Kapiteni i Anglisë, Harry Kane, ka folur me gjyqtarin pas 25 minutash lojë në pjesën e parë, si pikë e parë e protokollit tre pikësh të UEFA-s.
Ndeshja u ndërpre për një njoftim publik në stadium para vazhdimit të ndeshjes. Hapi i dytë do të çonte në vendimin e gjyqtarit për ndërprerje për disa minuta, ndërsa në hapin e tretë parashihet ndërprerja e plotë e takimit.
Kjo ndeshje po zhvillohet në “Vasil Levski” në stadium që ishte me dyer të mbyllura pjesërisht.
Anglia ka realizuar 5 gola ndaj bullgarëve, 4 prej të cilëve në pjesën e parë.
