Gazetari Agim Xhafka heq një paralele mes arrestimeve që po bën policia ndaj banorëve të “Unazës së Re” në kryeqytet, për shkak të protestës së këtyre të fundit në mbrojtje të banesave, dhe sjelljes së zv/ministrit të Brendshëm.
Ai poston një foto dhe shpjegon se “makina e zv/ministrit të Brendshëm bllokon sheshin Willson 700 mëngjese, prej dy vjetësh”.
Ky i fundit nuk ndëshkohet, shkruan Xhafka në një reagim në Facebook, por nderohet nga policia.
“Po lexoj me titra shpjegimin e policisë për të arrestuarit e Unazës së Re. Kanë penguar qarkullimin, thonë. Më vjen të bërtas e uluras me këtë palo polici. Po ata të mjerë po luftojnë mos u shëmbë shtëpitë ky jugosllavi i ri. Ndërsa te kjo foto poshtë duket makina e zv/ministrit të Brendshëm që bllokon sheshin Ëillson 700 mëngjese, prej dy vjetësh. Qysh sa del dielli e bën çorbë qarkullimin atje, ka plot policë, ka dhe kamera e askujt nuk ia mban bytha ta fshijë atë pengesë që rri si kancer mes makinave të tjera. Dhe zv/ministri pengon qarkullimin, por s’e fut kush në burg. Policët e shohin, presin deri sa me gruan e fëmijët hypën në veturën e shtetit dhe e nderojnë. Shtet mafioz që godet të dobëtin, të pambrojturin…”, është postimi i gazetarit.
