Pak mituta pas deklaratës së deputetit të PD-së Enkelejd Alibeaj se shtatë oficerë policie janë shkarkuar nga detyra pasi arrestuan kunatin e Saimir Tahirit ka reaguar policia e shtetit.
Sipas policisë, ky fakt është plotësisht i pavërtetë pasi nuk është shkarkuar asnjë punonjës.
“Siç parashikon kuadri ligjor, për të dyja rastet është kryer procedura ligjore e verifikimit të përgjegjësive, procedurë standard që ndodh sa herë që një qytetar ka ankesë për veprimet e policisë”-thuhet në deklaratë.
Por në këtë mënyrë, policia ka konfirmuar se po, ka patur një ndalim të kunatit të Ministrit Tahiri, ngjarje kjo që u bë publike nga një mesazh i qytetarit dixhital, i publikuar nga ish-kryeministri Sali Berisha.
Më herët Alibeaj tha se polica e shtetit operon me dy standarte.
“Në rastin e kunatit të Tahiri , u shkarkuan policat që e shkarkuan, ndërsa në rastin e një biznesmeni që kishte denoncuar dhunën e policëve ndaj djalit të tij, askush nuk kishte reaguar”- deklaroi Alibeaj.
