Për vrasjen që ndodhi dje në Kavajë, ku humbi jetën Dritan Haxholli dhe u plagos Beldar Toçi, ka folur edhe nëna e Marsia Qatjas, ‘mollës së sherrit’.
“Jemi të stresuar gjithë Kavaja është mbushur me llafe. Unë shitëse buke jam, nuk e di çfarë thotë mediet. Vajza ime nuk ka pasur marrëdhënie me askënd.”, është shprehur ajo.
41-vjeçari Dritan Haxholli, që mbeti i vrarë me armë zjarri gjatë një sherri në banesën e ish-të dashurës, nuk është një emër i panjohur për policinë. Burime zyrtare nga policia thanë se viktima ka qenë i dënuar për krime kundër personit dhe për lëndë narkotike.
Mësohet se shkak i krimit është bërë vendimi i Marsida Qatjas, e martuar (burri në burg në Gjermani) dhe nënë e 3 fëmijëve, që t’i jepte fund lidhjes me Haxhollin, gjë që nuk është pranuar nga ai. Ky i fundit kishte shkuar në banesën e saj, ku ishin 3 meshkuj të tjerë, miku i saj me të cilin kishte një lidhje, dhe 2 shokë të tjerë, që i kishte thirrur për ndihmë, ndërsa aty kishte hapur zjarr ndaj Toçit, (polici mbeti i plagosur në qafë).
