Nga Vladimir Lame
Ministrja franceze për Çështjet Evropiane Amélie de Montchalin ka prerë përfundimisht shpresat e Tiranës dhe Shkupit për një votë pro hapjes së negociatave kur ajo të marrë pjesë në mbledhjen e ministrave të Jashtëm në Luksemburg.
Në raportimin para komisionit parlamentar francez për çështje evropiane Montchalin tha se vendi i saj vlerëson rezultatet paraprake në reformën në drejtësi, por do të mbajë një qëndrim kur institucionet të funksionojnë plotësisht dhe të ketë rezultate në luftën ndaj krimit të organizuar dhe frenimit të azilkërkuesve.
Amélie de Montchalin
Përpara se ne të marrim një vendim për të dy shtetet kandidate duhet të hartohet një plan i qartë për të parë kapacitetet aktuale të BE-së për një zgjerim të mëtejshëm. Shqipëria dhe Maqedonia e Veriut kanë një shkallë përparimi në fushat prioritare, por duhet thënë se ende nuk ka rezultate bindëse që ne të vendosim tani për hapjen e negociatave.
Ne do ti rikthehemi kësaj çështje pas dy vitesh për të parë rezultatet e tyre dhe të reformave të brendshme brenda BE-së. Vota kundër e jona ka të bëjë me moszhvillimin ekonomik, mungesën e qendrueshmërisë ekonomike për shkak të largimit si azilkërkues të fuqise punëtore të kualifikuar, shtresës së mesme dhe tanimë të rinjve të arsimuar pra ikja e trurit nga të dy këto shtete.
Ne kemi vënë re një progres fillestar në rivleresimin e gjyqtarëve dhe prokurorëve por ende i pamjaftueshëm për tu konsideruar si realizimim i njërit nga pesë prioritetet e vëna.
Po ashtu ende në Shqiperi nuk ka një sistem të ri drejtësie funksional dhe ne duhet të presim që Gjykatat e Lartë dhe ajo Kushtetuese të vihen në funksionim të plotë.
Edhe në prioritetet e tjera të kërkuara nga këshilli evropian në vitin 2018 në reformen zgjedhore, në atë në administratën publike ne presim zhvillime konkrete dhe të qëndrueshme. Po ashtu Shqipëria duhet të demostrojë një track rekord të besueshem në luftën ndaj krimit të organizuar, korrupsionit në të gjitha nivelet dhe ndëshkueshmërisë. Ne mendojme se duhet të japim të pakten dy vite kohë që këto kërkesa të plotësohen dhe ndërkohe procesi i zgjerimit të rishikohet në tërësi në mënyrë që nga ky proces të përfitojnë këto shtete dhe vetë BE.
Franca konsideron se para se të hapen negociatat e anëtarësimit me Shqipërinë dhe Maqedoninë e Veriut duhet të plotësohen kushtet përkatëse. 1 Shqipëria duhet të zbatojë refomën në drejtësi dhe 2. reformën zgjedhore, ndërkohë që Maqedonia e Veriut duhet të bëjë progres me çështjen e prokurorisë speciale. Sipas ministres proçesi i zgjerimit me shtetet ish komuniste te lindjes deri tani nuk ka dhënë frytet e pritshme.
