Arsene Wenger nuk beson që Eden Hazard është lojtari i duhur për të zëvendësuar Cristiano Ronaldon tek Reali i Madridit.
Chelsea e shiti Hazard për 88.5 milion euro, pasi i bëri të qartë klubit që nuk do të rinovonte kontratën.
Ndërsa në krahun tjetër “Mbretërorët”e Realit, afruan anësorin Belg me synimin për të mbushur boshllëkun e madh që u krijua pas largimit të Ronaldos.
Por në një intervistë të bërë për “beIN Sports” ish- trajneri i Arsenalit tha: Ai sigurisht do të jetë përgjigja për shumë probleme por jo në zëvendësimin e Ronaldos, kjo është e sigurt.
“Ai nuk do të shënojë 50 gola në vit, sepse nuk është në natyrën e tij të shënojë shumë gola”
“Atyre u nevojitet një golashënues tjetër, pasi Benzema tanimë është 32 vjeç dhe në qoftë se do të kishin dikë më të ri rreth tij për të shënuar golat, Hazard mund të bënte shumë më mirë.”- shtoi Wenger.
Por gjithsesi trajneri Francez e mbylli duke theksuar se Hazard është një futbollist i jashtëzakonshëm, i cili krijon shanse dhe i finalizon ato në ndeshjet e mëdha.
