Një aksident i rëndë është regjistruar pasditen e kësaj të enjteje në fshatin Hardhishtë të Shijakut.
Sipas raportimeve paraprake mësohet se janë përplasur dy automjete njëra me tjetrën dhe për pasojë kanë humbur jetën të dy drejtuesit e mjeteve.
Ndërkohë policia ka mbërritur në vendngjarje dhe po punon për zbardhjen e shkaqeve të aksidentit.
Informacion paraprak
Më datë 10.10.2019, rreth orës 16:00, në Hardhishtë, Shijak automjeti tip Benz me drejtues shtetasin M.T., 44 vjeç, banues në Durrës është përplasur me një automjet tjetër tip Benz me drejtues shtetasin N.H., 41 vjeç. Për pasojë, kanë ndërruar jetë të dy drejtuesit e mjeteve.
Grupi hetimor po punon për sqarimin e rrethanave të ngjarjes.
