Një i burgosur ëstë arratisur nga burgu i Rrogozhinës. Sipas burimeve, ai është Fatjon Bushgjoka, i dënuar për vjedhje me dhunë në bashkëpunim. 25-vjeçari kishte marrë leje nga autoritet, që përfundonte në orën 11:00 të kësaj të mërkure dhe duke përfituar nga ajo, nuk u kthye më në qeli. Policia e ka shpallur në kërkim.
Bushgjoka u arrestua në një aksion të 2 prillit 2017 nga komisariati numër 6 në Tiranë, bashkë me 4 persona të tjerë. Në kërkim u shpall e dashura e Bushgjokës, e cila u arrestua më vonë.
Sipas hetimeve, ishte kjo e fundit e cila u kërkonte ndihmë të dëmtuarve duke i huazuar telefonin për të bërë një telefonatë dhe më pas bashkëpunëtorët e saj, ushtronin dhunë fizike ndaj të dëmtuarve dhe më pas i vidhnin sendet me vlerë si telefon, varëse, ora dhe vlerat monetare, ku më pas largoheshin me një automjet të tipit “Fiat”, të marrë me qira.
Grupi u akuzua për 7 vjedhje me dhunë.
“Disa prej sendeve të cilat i përkasin shtetasve të dëmtuar, u gjetën të groposura në një shtëpi të braktisur në Kamëz”, njoftoi asokohe policia.
Në Mars 2018, Gjykata e Tiranës dha dënime ndaj grupit, që varionin nga 4 deri në 7.5 vite heqje lirie, ndërkohë që përfituan uljen e 1/3 të dënimit për shkak të gjykimit të shkurtuar.
