Brenda pak javësh në Kadastrën e Vlorës janë dorëhequr 3 drejtorë të këtij institucioni, duke vendosur një rast të paprecedentë.
Tre drejtorët kanë dhënë dorëheqjen dhe shkak është fakti që nuk arrijnë të zbatojnë një vendim të Gjykatës së Lartë, për një pronë në bregdet.
I pari që dha dorëheqjen në 9 shtator ishte Florian Almadhi, i cili u zëvendësua nga Alteo Nazeraj. Ky i fundit nuk qëndroi as 10 ditë në detyrë dhe deklaroi gjithashtu dorëheqjen. Në vend të tij u emërua Elona Hodaj, e cila dha sërisht dorëheqjen.
Por për kreun e Kadastrës, Artan Lame, ajo që ka ndodhur në Vlorë, ka lidhje me vlonjatët që janë të padurueshëm.
“Probleme si ky i Vlorës do të dëgjonin në shumë qytete të tjera.
Ndoshta për fat të keq, që sot jemi në Elbasan për të mbyllë legalizimet, do dëgjoni probleme si ky i Vlorës edhe në Elbasan. Do dëgjoni në Durrës, do dëgjoni në Shkodër, për fat të keq do të dëgjoni edhe në Sarandë.
I vetmi ndryshim i Vlorës me qytete e tjera, është që ajo që sic thotë kryeministri Rama që nuk gjen në Vlorë njeri që quhet “Durim”. Janë më të padurueshëm se të tjerët, probleme të tilla do të dëgjoni ngado për një arsye shumë të thjeshtë: kanë rënë piramidat e vjetra të ndërhyrje dhe të pushtetit dhe tashmë nuk ka askush që të mbrojë paligjshmëritë dhe gjërat e bëra keq në njëzet e ca vjet. Kjo është e gjitha nuk asnjë arsye tjetër.
Do të dëgjoni shumë shpejt problematika të tilla në të gjithë Shqipërinë”, tha Lame.
