Bashkëkryetari i Komisionit për Reformën Zgjedhore Damian Gjiknuri i ka dërguar ftesë Sekretarit për Çështjet Zgjedhore në PD, Ivi Kaso, për të marrë pjesë në mbledhjen e rradhës për Reformën Zgjedhore, e cila zhvillohet në orën 10:00 të paradites së nesërme.
“Komisioni i Posaçëm Parlamentar për Reformën Zgjedhore do të zhvillojë një mbledhje ditën e enjte, datë 10 tetor 2019, në orën 10:00, me rend dite:
“Diskutimi mbi ecurinë e axhendës së punës së komisionit dhe konkluzionet e tryezës së organizuar nga OSBE, më datë 25 shtator mbi sistemin zgjedhor”
Bashkëlidhur po Ju nis minutat e konferencës “Të mohuar nga sistemi: ndërtimi i një sistemi gjithëpërfshirës për të mbrojtur demokracin딓, thuhet në ftesën e Gjiknurit.
Ndërkohë nga PD shprehen se nuk do te ketë pjesëmarrje në mbledhjen e komisionit, ku pas largimit të opozitës nga Kuvendi, vendet e tyre në u zunë nga ato që u quajtën “opozita e re”.
Burime shprehen se opozita e bashkuar i ka paraqitur Kryeministrit Edi Rama një plan me 5 pika që sigurojnë zgjidhjen e krizës, por njëherazi i kërkojnë Ramës të zbatojë rezolutën e Bundestagut, për të ndëshkuar ligjërisht ata që janë përfshirë në shit-blerjen e votës.
