Nga Kimete Berisha
Nuk e di çka ju qet me hëngër Edi Rama, veç me ja prek Edi Ramën, Baton Haxhiut, si me prek strujën.
Një herë i rrenqethet lëkura, e pastaj del krejt prej lëkurës, në fund e mbërrin katarsisin e bëhet në gjendje gatishmërie m’u sakrifiku për të.
Edi Rama jo që ‘e pin’ drogën, por është vetë deogë që i ‘tranon’ ato djemtë e vajzat rreth tij (Batonin jo, se ky ka qenë i trentë edhe para se m’u tranu për Edi Ramën), …si Spiropalin, gjynah, që aq shumë e ka dehur ‘adhurimi’ për Edi Ramën sa nuk është në gjendje m’u përmbajtë.
Asaj Spiropalit ju ka ngri muskuli i buzëqeshjes, nuk i zbret më buzëqeshja në vend, s’sheh ajo as nanë as babë, as Zot, se Edi Rama i duket Skëndërbe. Hatri i saj pastaj Edi Rama e lëshoi mjekrën.
Por ndryshe nga Spiropali që i rri besnike Skenderbeut, me Batonin ka ‘lu’ edhe Vetoni si me llutkën, kur e largonte prej pune, Batoni qante kafehaneve t’vogla të Prishtinës (e njerëzve të vullnetit të mirë u vinte gjynah prej tij), se lypte çare se s’dinte kah me ja mbajtë.
Pastaj i buzëqeshi fati, bani pare, i bleu një palë brekë të kuqe dhe hipi në kalë.
Edi Rama i ka ‘drogu’ edhe shumë njerëz pandjenjaz Me ka ra puna me bisedu njëherë me një gazetar shumë të njohur shqiptar (mizantrop i spikayut), që i qeshte fytyra dhe krejt trupi i çohej peshë prej kënaqësie derisa fliste me adhurim për Edi Ramën dhe për tekat e tij.
S’ish për të me rëndësi që s’kish lënë t’zezë t’Zotit që s’kish shkruar kundër tij, tash ish magjepsur e ‘droguar’ pas tij, bomba me ra nuk e hetonte, madje as mua buzët e mia të kuqe nuk i linin përshtypje, kokë e këmbë ini habitur mbas Edi Ramës. Gazetarit i dukej shumë interesant dhe atraktiv që Kryeministri është i paparashikueshëm dhe nuk përfillë njeri, përveç Cakajn veç pse duket ‘si çikë’, i butë e i urtë.
Shqipëria është aq e dehur, aq kriminale, sa Baton Haxhiu privatisht ia cakton ministrat Edi Ramës.
Kaq larg ka shku puna, sa Baton Haxhiu punën e parë ia kërkon Albin Kurrit t’i kërkoj falje Edi Ramës!
Kush është Edi Rama që Albini t’ia nis me të ‘me bismilah’!
Për çka t’i kërkoj falje Edi Ramës?
Për mendimet e veta?
Baton Haxhiu në fakt kërkoi nga Albini t’i kërkoj falje atij vetë, se Albini nuk e ka sha kurrë Edi Ramën (por i ka treguar atij se Batoni ishte shok i Stanishiqit dhe e ka pyetur pse ‘Institucioni’ qëndror dhe i vetëm në Kosovë që bën hesap Edi Rama , është Baton Haxhiu).
Ti Baton duhet t’i kërkosh falje popullit shqiptar që ke qenë (dhe do të mbetesh) shok i Stanishiqit. Stanishiqi ishte Shef i Shërbimit Sekret Shtetëror Serb, i cili i ka formuar edhe ‘Tigrat e Arkanit’ dhe shkorpionët. Ti duhet t’u tregosh shqiptarëve çka të ka lidhë ty me ‘Tigrat e Arkanit’ dhe me formacionet famëjeqe që bën masakra në Kroaci, Bosne dhe Kosovë.
Ndërsa Edi Rama duhet të na spjegoj se pse i dha aq shumë ndikim shokut të tigrave të Arkanit.
Baton Haxhiu nuk është tigër, se sikur të ishte tigër do të ishte nokturn, do të bënte gjueti natën e s’do ta zbulonte SHIK-u lidhjen e tij me Stanishiqin.
Ti merrja inati atij që të ka zbuluar duke hëngër e pi me keiminelin serb që masakroi fëmijët shqiptarë, e mos na merr inati neve, se ne nuk të kemi zbuluar.
Albini nuk të ka zbuluar, prandaj fshijë djesët e lutu për shpirtin tënd.
Dhe mos u tut se askush nuk të hakmerret, përveç netëve të errëta të shpirtit tënd, nga ato s’të shpëton kush.
Po, ndoshta shpëton nëse viktimave u kërkon falje pse je shoqëruar dhe pse e ke pasur jaran vrasësin e tyre.
Mos t’paça borxh, sa ‘xhevapi’ të pret…
Përveç frikës nga pleqëria dhe nga vdekja, Edi Rama dhe Baton Haxhiu kanë edhe diçka të përbashkët.
Baba i Edi Ramës ka nënshkruar vrasjen e poetit shqiptar, e baba i Batonit me librin e shkrimtarit shqiptar ndërsjetull shkoi në policinë serbe dhe e paraqiti ‘artin’ në polici, këqyrni ju çka ka shkru filan poeti ‘kundër’ juve.
(Nuk du’ me zgjat këtë muhabet, se pastaj ma mundë urrejtja e s’di çka flas).
Lutjuni Zotit që jemi t’ligë, e veç te shqiptarët e keni kulllotë, se me pas qenë ju në shtete t’urta e t’buta, kishit jetu nën ura, prej turpit, prej përbuzjes e prej neverisë.
2. Një ‘tigër’ i vogël por shumë i rrezikshëm është edhe burri i Vjosës.
Ai sillet protektiv ndaj Vjosa Osmanit, si n’kohën e Ali Pashës, sepse në esencë ndjehet ‘mashkull’, ‘më i madh’ se ajo, duke e zbehur figurën e saj deri në atë masë sa ta bëj të duket qesharake.
Nuk na pëlqen kur shohim se si gruaja politikane (që e ka marrë përsipër të na mbrojë të gjithëve) ka nevojë të mbrohet nga burri i saj, sepse ka kush e mbron Vjosën.
Ju a e votuat Prindonin a Vjosën!
Ka kush tregon në LDK se a ishin zgjedhjet fer a jo. Sa herë flet Prindoni, e dëmton Vjosën, sepse gjithçka e zbret në nivelin banal, burri-gruaja.
S’ka diçka më të neveritshme dhe më të dëmshme se kjo lloj ‘dashnie’.
P.S. Take It Easy.
Qetësohuni 🙏
