Kryetari i KQZ-së, Klement Zguri, thotë se Kosova i dha një leksion Shqipërisë lidhur me menaxhimin dhe administrimin e zgjedhjeve.
Ai sugjeron që komisioni i reformës zgjedhore të rregullojë defektet, që nisin nga numërimi i votave. Gjithashtu propozon që ato të bëhen nga qendrat respektive të votimit, siç ka qenë më parë.
“Në Kosovë numërimi bëhet në Qendrat e votimit. Për ne nuk është e panjohur kjo gjë, sepse Shqipëria më përpara e ka pasur këtë lloj mënyre të numërimit. Ligjvënësi ka gjykuar se duhej ndërruar dhe kemi këtë sistem që kemi.
I takon komisionit të reformës zgjedhore të vendosë se çfarë duhet bërë për reformën. Komisioni duhet të fillojë punën sa më parë për të ndryshuar ato gjera që në zgjedhjet e kaluara janë konstatuar se duhet përmirësuar apo ndryshuar”, u shpreh Zguri.
Rezultatet e zgjedhjeve parlamentare në Kosovë u shpallën 3-4 orë pas mbylljes së procesit të votimit.
