Kryeprokurorja Arta Marku ishte e pranishme në ceremoninë e diplomimit të magjistratëve të rinj në Shkollën e Magjistraturës. Teksa mori fjalën e saj përshendetëse, Marku uroj Magjistratët për rrugën e nisur dhe i paralajmëroi ata për sfidat e vashtira që i presin.
“Unë shpresoj që jeni formuar në aspektin profesional. Jeni gati për të qenë gjyqtarë dhe prokurorë, por mos u vetkënaqeni. Është rrugë me shumë sfida dhe e gjatë. Keni përfituar njohuri dhe eksperiencë të bollshme. Latinët thoshin se dija është fuqi! Është e vërtetë por deri në njëfarë mase. Kthehemi tek sfidat.
Shumë shpejt ju do e kuptoni dhe do ndesheni me to. Vështirësitë në punë janë shumë të mëdha, por jam e bindur se ju do ja dilni. Ju, do ndikoni në përmirësimin e imazhit të Shqipërisë gjë që ne të gjithë e duam”, tha Prokurorja e Përgjithshme Arta Marku.
