Kreu i Shoqatës Antikomuniste Nebil Çika ka denoncuar përmes faqes së tij në rrjetin social Facebook, shkatërrimin që u është bërë varrezave të martirëve të Matjanit në qytetin e Lushnjës.
Në shkrimin e tij të shoqëruar edhe me një foto nga varrezat, Çika shprehet se barbaritë në këtë vend nuk kanë të sosur. Sipas tij njerëz të paidentifikuar kanë shkulur nga varret emrat e martirëve edhe pse një gjë e tillë është e dënueshme në bazë të Kodit Penal. Për këtë qëllim Çika akuzon Bashkinë Lushnje e cila ka për detyrë të kujdeset për varrezat.
Postimi i Plotë
Keta nuk behen dot njerez! Barbarite komuniste ne kete vend nuk kane fund Keto jane varret ne Varrezat e Deshmorve ne Lushnje , e martirve te masakres komuniste te Matjanit ne Lushnje te vrare pa gjyq nga partizanet e komanduar nga Mehmet Shehu e Dushan Mugosha . Ne menyre me antinjerezore nga keto varre jane shkulur emrat e martireve nderkohe qe autoritetet e zbatimit te ligjit heshtin, edhe pse dhunimi i varreve eshte nje krim i denuar penalisht. Duket qarte qe eshte nje veprim politik pasi varret e deshmoreve komuniste pak metra larg tyre nuk jane prekur perkundrazi jane restauruar ne nje fond te posacem te qeverise . E gjithe kjo ndodh nen kujesin e vecante te Bashkise Lushnje ,qe ka ne administrim kete varreze deshmoresh. Kjo.eshte prova me e qarte qe nen qeverisjen e Rilindjes komuniste , lufta e klasave ndaj te gjalleve e te vdekurve vazhdon.
