Ministrja për Marrëdhëniet me Parlamentin, Elisa Spiropali, publikoi dje në rrjet një foto të dëftesës, duke treguar me krenari se mësuesja e këshillonte të studionte në Oxford.
Por notat janë vënë në dyshim nga një person që pretendon se ka qenë shoqe klase me ministren e Ramës.
“Muzikën ta ka nxjerrë mami im 10 moj se ishim në një lagje, të ishte për ty, ti nuk i bije maces me lugë e jo të dije notat e pentagramit, anglishtja po ashtu e kishim zyshën komshijë, por këto gjuhët e huaja italisht, greqisht nuk ka pasur në shkollën tonë”, shkruan ish-shoqja e klasës së Spiropalit.
Nuk dihet se sa i vërtetë mund të jetë pretendimi i bashkënxënëses së Spiropalit, dhe nëse ministrja e Ramës do të ketë reagim ose jo, ndaj këtyre dyshimeve.
