Lidhur me sulmin në Mynih të Gjermanisë ka reaguar edhe presidenti i Shteteve të Bashkuara, Barack Obama.
Ai ka ofruar përkrahje për Gjermaninë. “Nuk e dimë saktësisht se çfarë është duke ndodhur por mendimet tona janë me ata që mund të jenë lënduar. Ne do të ofrojmë gjithë ndihmën që është e nevojshme”, ka thënë Obama.
Deri tani nga disa sulme me armë që kanë ndodhur në qytetin e Mynihut janë konfirmuar 6 viktima dhe disa të plagosur. Policia sakaq ka qëlluar një prej autorëve.
