Kreu i opozitës Lulzim Basha, i ka cilësuar 9 kushtet e vendosura nga Gjermania, si hapa pas të qeverisë Rama. Në një intervistë për News 24, Basha theksoi se kushtet janë vendosur për Edi Ramën dhe jo për shqiptarët.
‘9 kushtet e Bundestagut tregojnë vetëm krizën se ku është zhytur vendi. Kushtet tregojnë qartë se Shqipëria po ecën prapa për shkak të Edi Ramës. Këto nuk janë kushte që i janë vendosur Shqipërisë por Edi Ramës. Kushtet nuk janë lajm i mirë’, deklaroi Basha.
Më tej ai theksoi se këto kushte janë një udhërrëfyes për zgjidhjen e krizës në Shqipëri. Sipas tij një nga kushtet kryesore është zgjidhja e krizës së brendshme politike.
