Sipërmarrësja Silva Balatadori teksa ka qenë e ftuar në emisionin “Ftesë në 5” në Top Channel ka folur lirshëm në lidhje edhe me seksin.
Teksa u diskutua rreth studimit të autores Kristen R.Ghodsee, që tregonte se seksi në komunizëm ishte më i mirë, ajo e mbështeti këtë përfundim. Ajo kujtoi dramën e madhe që kishte përjetuar e ëma kur në moshën 11 vjeçare Silvës i kishin ardhur për herë të parë menstruacionet.
“Mua më kanë ardhur periodat kur isha shumë e vogël, 11 vjeç. Po luaja petash, ka qenë fund qershori e mbaj mend si tani. U rrëzova me pantallona të shkurtra, se shkolla mbaronte në 15 qershor dhe ishim të gjithë kalamajtë e pallatit, rashë mbrapsht dhe isha totalisht me hemorragji nga mbrapa. Të gjithë kujtuan se u vrava rëndë, nuk ishte ndonjë dhimbje e madhe, por isha bërë shumë pis”, tregoi ajo.
Nga e gjithë kjo ajo shprehet se mamaja e saj u traumatizua pasi nuk e kishte kuptuar që vajzës saj i kishte ardhur cikli.
“ Ishte një traumë, unë e kujtoj si një traumë të mamasë time që filloi të qante pse më erdhën periodat në moshë kaq të re”,u shpreh Silva.
