Me afrimin e muajve në të cilët arinjtë bien në gjumin letargjik, arinjtë e murrëm janë në kërkim të peshqve, për t’u ushqyer.
Imazhet marramendëse, të shkrepura nga një fotograf kanadez, kanë ngjallur shqetësim nga vëzhguesit e jetës së egër. Ata shqetësohen për jetën e ariut dhe dy këlyshëve të tij, pasi numri i salmonëve në ujërat e Kanadasë është shumë i ulët.
Knight, është një ndër vendet kryesore turistike në Kanada ku gjenden ariu i murrmë. Turistë nga e gjithë bota e zgjedhin të vizitojnë këtë vend pasi e admirojnë jetën e egër.
“Ata kanë ndryshuar në mënyrë drastike brenda dy muajsh”-u shpreh për CNN Jake Smith, teksa shtoi se arinjtë janë në telashe.
Smith tha se duhet të merren masa urgjente, pasi burimi kryesor i ushqimit për arinjtë është salmoni.
Ndërkohë peshkatarët në ‘British Columbia’ po e quajnë këtë sezonin më të keq të salmonit në gati 50 vitet e fundit.
Sipas një raporti të publikuar sëfundmi për peshkimin dhe oqeanet në Kanada vuri në dukje se klima e Kanadasë është ngrohur dy herë më shumë se mesatarja globale, duke ndikuar në mënyrë drastike për ekosistemet e salmonit.
