Tradhtia ishte fillimi. Në fund, çështja shkoi në gjykatë dhe protagonisti u dënua me marrëveshje, me një vit e gjashtë muaj burgim për dhunë dhe përndjekje.
Por në mes kishte vërtet shumë… Dhe absolutisht, asgjë e bukur… Protagonistët janë një çift shqiptarësh, të martuar dhe me fëmijë, të cilët sipas asaj që raportojnë mediat italiane, jetonin në Breshia. Burri, E.B., 24 vjeç, zbulon se gruaja e tradhton me kushëririn e tij.
Pas kësaj, nisin aktet e dhunës dhe përndjekjes nga burri i tradhtuar. Raportohet se ai ka dhunuar gruan në gjumë dhe e ka përndjekur. Ai ka kërcënuar me vdekje edhe kushëririn e tij. Kërcënime që ky i fundit i mori aq seriozisht sa shkoi të flinte te një mik i tij, për të mos ndenjur vetëm. Jo vetm kaq, por ka detyruar fëmijët, 7 dhe 9 vjeç, të shanin të ëmën.
Një kallëzim nga pala nën presion ka sjellë ndalimin nga policia të shqiptarit të tradhtuar nga gruaja dhe çështja më tej do të shkonte në gjyq. Një ditë më parë, gjykata e shkallës së parë tha fjalën e fundit duke e dënuar me një vit e gjashtë muaj burgim. Një dënim ky me marrëveshje, siç e parashikon legjislacioni italian, mes palës mbrojtëse, prokurorit të çështjes dhe gjykatësit.
/BN/
