Qytetarët polakë do të hyjnë në SHBA pa pasur nevojën e pajisjes me vizë.
Lajmi bëhet i ditur nga mediat polake sipas të cilave kjo është diskutuar edhe në takimin e fundit mes presidentit amerikan Donald Trump dhe atij polak, Andrzej Duda.
Edhe pse nuk sqarohet se kur hyn në fuqi ky vendim, lajmi për të përcillet si i sigurtë.
Programi Visa Waiver u mundëson qytetarëve të vendeve që përfshihen në të të udhëtojnë për biznes apo turizëm drejt SHBA pa vizë dhe me të drejtë qëndrimi 90 ditë.
Lajmi në fjalë vjen ndërkohë që Polonia ka rënë dakord që të presë edhe 1000 trupa amerikane shtesë në vend, veprim ky që konsiderohet si një masë kundër përpjekjeve ruse në Europën Qendrore.
