Kandidati republikan për president të SHBA-ve, Donald Trump, gjatë nominimit ka komentuar gjithashtu tentativën për grusht shteti në Turqi, ku ka mbështetur presidentin Rexhep Taip Erdogan, njofton New York Times.
“Grushti i shtetit nuk arriti objektivat – Grushti i shtetit ishte i pasuksesshëm, dhe kjo në bazë dhe falë Erdoganit që unë e falenderoj për atë që bëri”, tha Trump, përcjell botasot.info.
Trump përshëndeti gjithashtu edhe civilët që dolën nëpër sheshe për të pamundësuar qëllimin e puçistëve.
“Ju e dini se ora e parë dukej si humbje për Erdoganin, ndërsa më pas mori kthesë. Personat mbushën sheshet dhe nuk ndodhi ajo që ndodhi në sheshin e Pekingut, Tiananmen Square, ku ushtarët dhe tanket në mënyrë çnjerëzore qëlluan mbi civilët.”
Ai gjithashtu ka përshëndetur edhe partinë AKP për zgjuarsinë e treguar natën e 15 korrikut, kur ndodhi tentativa e grushtit të shtetit. Në fund kandidati presidencial mbështeti dialogun mes kurdëve dhe turqve, ndërsa gjithashtu tha se Turqia është partneri kryesor në luftën kundër ISIS.
