Një aksident me një të vdekur dhe dy të plagosur ka ndodhur mëngjesin e sotëm në autostradën Tiranë-Durrës. Dy automjete janë përplasur, duke sjellë humbjen e jetës së një 19-vjeçari dhe plagosjen e dy personave të tjerë.
Lagështira në rrugë dyshohet të ketë ndikuar në shkaktimin e aksidentit.
“Në autostradën Vorë- Tiranë si pasojë e lagështirës janë përplasur 2 automjete, për pasojë ka ndërruar jetë pasagjeri i njërit prej automjeteve shtetasi K.H.,19 vjeç, ndërsa drejtuesi i njërit nga automjetet shtetasi D.R. dhe pasagjeri F.Xh. u dërguan në spital për ndihmë mjekësore. Grupi hetimor ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit”, njoftoi policia.
