Anëtari i Kryesisë së PD-së, Tomorr Alzioti, paralajmëroi mbrëmjen e sotme nga studio e Abcnews, një vendim pozitiv me kushte që do t’i jepet Shqipërisë nga Bashkimi Europian lidhur me hapjen e negociatave.
Alizoti tha se ky vendim nuk do të jetë mbështetje për qeverinë dhe Ramën.
“Jo për Ramën, as për qeverinë e tij, por për të mos ndëshkuar popullin që e dëshiron shumë integrimin në BE.
Për këtë arsye, në bindjen time, Bashkimi Europian do të marrë një vendim pozitiv në tetor për hapjen e negociatave me Shqipërinë.
Sepse nuk duan që të ndëshkohet populli, por ata e dinë që Shqiëpria është cop-cop si me qeverisjen dhe me standartet. Për mua ky është vendimi më i mirë që mund të jepet, pasi kështu na venë detyra dhe na kontrollojnë për të shkuar atje ku duhet.
Sepse kemi dhenë prova që pa kushte ne nuk qeverisemi si duhet”, tha Alizoti.
