Ish-kryeministri Sali Berisha, deklaroi se kryeministri Edi Rama kërkon të bllokojë negociata përmes Reformës Zgjedhore.
I ftuar në Ora News, Berisha tha se nëse Rama do të ishte serioz dhe do të donte hapjen e negociatave, atëherë ai do t’i thoshte opozitës bëje vetë Reformën Zgjedhore, respekto standardet e sille ta votoj.
‘Kriza është shumë e thellë, por bllokimi i negociatave është rezultante e qeverisjes së Edi Ramës. Europa nuk harron kurrë që ky për këshilltarët e Fierit dhe për ligjet që kishte rënë dakord në Komisionin Europian, ky i bllokoi vetëm për të bllokuar statusin e kandidatit. Të gjithë e dinë se çfarë përfaqëson ky për integrimin Europian. Është një kusht nga më kryesorët Reforma Elektorale, por nuk ka kryeministër që do hapjen e negociatave që mos i thotë opozitës bëje vetë, bjere ta votoj. Lëshimi i parë në këtë krizë të thellë që duhet të bënte Rama është pikërisht ajo që nuk bëri’, deklaroi Berisha.
