Lëkundje të forta tërmeti janë ndjerë mëngjesin e sotëm në disa zona të Turqisë dhe në ishullin Rodos në Greqi.
Sipas qendrës Europiane të Sizmologjisë, epiqendra u shënua në detin Mesdhe, 35 km nga Rodosi dhe rreth 100 km nga toka turke.
Nga tërmeti me thellësi 10 km nuk raportohet për të lënduar apo dëme materiale.
Mediat turke raportojnë se tronditje u ndjenë në Fethiye, Dalaman dhe Gocek.
Ndërsa sipas mediave mediave greke, në Rodos u ndjenë lëkundje të forta.
“Dridhja ndodhi në skajin verior të pllakës tektonike Strabo. Tërmeti u ndje fort sepse ishte sipërfaqësor dhe informacioni i OASP tregon se ne nuk patëm ndikim në ishull”, citohet një sizmiolog grek nga mediat lokale. Ai tha se priten paslëkundje, por me fuqi më të vogël se tërmeti 5.1 ballë.
“Fenomeni në asnjë mënyrë nuk është i lidhur me tërmetin e fortë që ndodhi në Stamboll të premten e kaluar,” shpjegoi. /BN/
