Dibra u trondit ditën e djeshme nga një krim në familje ku një person, pas një grindje të momentit, i mori jetën vëllait dhe nipit të tij. Më pas autori ka qëlluar edhe veten. Ngjarja e rëndë ndodhi në Xibër të Klosit.
Tv Klan ka publikuar ditën e sotme foton e Floget Dakuçit, 19-vjeçari që u qëllua nga xhaxhai i tij Sali Dakuçi. Qëllimi i të riut me sa duket ka qenë që të shuajë konfliktin e nisur mes babait dhe xhaxhait të tij.
Pasi ka parë xhaxhain e tij, Sali Dakuçi që ka rrëmbyer pistoletën për të qëlluar në drejtim të babait të tij, Kujtim Dakuçi, Flogerti është munduar që të ndërhyjë për të parandaluar ngjarjen por fatkeqësisht plumbat kapën edhe atë duke i marrë jetën.
Mes dy vëllezërve Dakuçi ka pasur prej vitesh konflikte për pronën. Kësaj here shkak i ngjarjes fatale u bë gardhi ndarës i banesave të tyre.
