Policia e Fierit ka njoftuar se janë arrestuar dy persona të shpallur në kërkim për “Dhunë në familje”, ku njëri ushtronte dhunë fizike dhe psikologjike ndaj bashkëshortes dhe tjetri ndaj babait.
Në pranga kanë rënë R.P, 31 vjeç, banues në Roskovec dhe A D, 47 vjeç, banues në Fier.
Ndalimi i këtij të fundit u bë pasi Gjykata e Apelit Vlorë, me vendimin e datës 25.09.2019, ka caktuar masën e sigurisë “Arrest me burg”, për veprën penale “Dhuna në familje”.
Njoftimi i Policisë:
Policia ndalon 2 shtetas të shpallur në kërkim për “Dhunë në familje”.
Specialistët për Hetimin e Krimeve në Komisariatin e Policisë Fier, ndaluan shtetasit e shpallur në kërkim:
- R.P, 31 vjeç, banues në Roskovec.
Ky shtetas ishte shpallur në kërkim pasi ka ushtruar dhunë fizike ndaj babait të tij, shtetasit Z.P, 69 vjeç.
- A D, 47 vjeç, banues në Fier.
Ndalimi i këtij shtetasi u bë pasi Gjykata e Apelit Vlorë, me vendimin e datës 25.09.2019, ka caktuar masën e sigurisë “Arrest me burg”, për veprën penale “Dhuna në familje”.
Shtetasi A.D ka ushtruar dhunë fizike dhe psikologjike ndaj bashkëshortes së tij, shtetases Xh.D.
Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje”.
