Policia greke ka “shkatërruar” një bandë të trafikut të kokainës, ku ka vënë në pranga 8 persona.
Mesohet se tre prej tyre janë shtetas shqiptar, njëri prej të cilëve kreu i grupit.
Sipas mediave greke, shqiptarët e arrestuar janë një 22-vjeçar, një grua 40 vjeçe dhe kreu i bandës 31-vjet. Ndërsa mes grekëve të arrestuar janë edhe dy femra, të moshës 29-39 vjeçe. Gjithashtu, janë shpallur në kërkim edhe dy shqiptarë, nga 30 vjeç secili.
Banda kriminale ka qarkulluar 1 kg e 150 gram heroinë dhe 30 gram kokainë në pesë muajt e fundit në Janinë. Gjatë aksionit policor janë sekuestruar edhe 326 gram heroinë, 36 gram kokainë, 3400 euro dhe 11 celularë.
