Policia e Durrësit ka vënë në pranga shtetasin L.H. banues në Durrës, pasi shpërndante lënde narkotike në doza të vogla.
Arrestimi i tij u bë i mundur pasi një qytetar raportoi rastin, ku kishte parë këtë shtetas teksa shpërndante lëndë narkotike.
Gjithashtu gjatë kontrollit në banesë e tij, u sekuestruan doza lënde narkotike, grirëse për lëndën narkotike, një thikë dhe euro false.
Mbi 32-vjeçarin rëndojnë akuzat për veprat penale “Prodhimi dhe shitja e narkotikëve”, “Falsifikimi i monedhave” dhe ” Mbajtja pa leje e armëve të ftohta”.
Pas këtij rasti, policia fton qytetarët të denoncojnë në numrin 112 apo në “Komisariatin Dixhital” çdo rast të paligjshmërisë.