Sipas Institutit të Gjeoshkencave, sot pasdite (e mërkurë, dt.02) priten reshje lokale të dobëta në qarqet Shkodër, Lezhë, Durrës dhe Vlorë ndërsa nesër (e enjte, dt.03) priten reshje në të gjithë vendin. Në qarqet Shkodër, Lezhë, Durrës, Tiranë, Fier, Vlorë dhe Gjirokastër priten reshje intensive të shoqëruara me shtrëngata (siç tregohet në tabelë, respektivisht për secilin qark).
Për shkak të intensitetit të lartë të reshjeve në mbrëmjen e datës 3 Tetor 2019 dhe pjesa e parë e ditës në vazhdim 4 Tetor 2019, mund të shfaqen përmbytje të vogla lokale me afat të shkurtër. Në zonat urbane problemet nga përmbytjet janë të varura nga gjendja e kanalizimeve.
Temperaturat minimale dhe maksimale të ajrit pritet të arrijnë:
në bregdet: 17 / 25 °C
në vendet e ulëta: 15 / 27 °C
në vendet malore: 10 / 21 °C.
Era pritet të fryjë mesatare deri e fortë kryesisht në bregdet dhe zonat malore.
ZJARRET NË PYJE
———————-
Sot pasdite (e mërkurë, dt.02) pritet nivel “I ULËT” në të gjitha qarqet (siç tregohet në tabelë, respektivisht për secilin qark).
Në disa qarqe pritet rrezik “I MODERUAR’’ vetëm nё zona tё lokalizuara, konkretisht: Kukës (Lindje), Fier (Perëndim), Berat (Veri-Perëndim), Vlorë (Veri-Perëndim) dhe Gjirokastër (Lindje).
Nesër (e enjte, dt.03) pritet nivel “I ULËT” në qarkun Korçë, ndërsa në qarqet e tjerë “S’KA RREZIK”.