Është zbardhur dëshmia e motrës së dy vëlezërve Sali dhe Kujtim Dakuci të ngjarjes tragjike të ndodhur ditën e djeshme në Klos. Life ka thënë se kishte udhëtuar nga Manza e Durrësit, ku ishte martuar, drejt Klosit, për të vizituar babain e sëmurë, 85 vjeç. Ajo thotë se ka qenë prezente në momentin kur ndodhi sherri, dhe iu ka bërë thirrje vëllezërve të mos zihen për gardhin por të shohin babain.
“Erdha për vizitë në Xibër se kemi babain sëmurë. I dëgjova të dy vëllezërit duke u zënë dhe dola jashtë e u thash; Mos u zini për gardhin, por eja shihni babain se është sëmurë. Duke u ngjitur nëpër shkallë (banesa e vjetër dy-katëshe), pasi ecja me ngadalë se kam sëmurë këmbën, dëgjova një krismë arme. Pash nga sipër Kujtimin të shtrirë përtokë. Më pas djali i Kujtimit, nipi im, iu sul Saliut duke thënë; “ça bërë?”. Dhe më pas dëgjova krismën tjetër…e pash nipin që u shtri përtokë. Më pas Saliu u largua nga banesa dhe u fut në një parcelë më misër dhe më pas kur pas 20 minutash dëgjova një tjetër krismë brenda tek banesa e tij (një kuzhinë e vjetër). Kur shkuam aty bashkë me gruan e Saliut, e pamë atë përtokë të mbuluar në gjak dhe pa shenja jete. Kishte qëlluar veten me plumb në kokë”, ka thënë ajo në polici.
Ngjarja tragjike e ndodhur pasditën e djeshme në Klos të Dibrës trondi opinion publik. Sali Dakuci vrau me armë zjarri të vëllain e tij, Kujtim Dakuci dhe nipin, e më pas vrau veten. Arsyeja ishte për çështje pronësie për shka të një gardhi.
DETAJET/ Masakra me 3 të vrarë brenda familjes, krimi dyshohet për një gardh
