Përditësuar/ Një ish-zyrtar i lartë amerikan ka qenë pjesë e takimit që ka zhvilluar këtë paradite kryeopozitari Lulzim Basha me aleatët.
Mësohet se i pranishëm ka qenë David Philips, ish-këshilltar i disa presidentëve të SHBA-së dhe një aktivist i të drejtave të njeriut.
Ai ka diskutuar mes të tjerash për situatën politike në vend, në takimin bashkë me kreun e PD-së dhe aleatët, kryetarja e LSI, Monika Kryemadhi, kreu i PR, Fatmir Mediu, Vangjel Dule i PBDNJ, Nard Ndoka i PDK dhe Agron Duka i PAA.
***
(09:40) Lëvizje në selinë blu, Basha takim me aleatët
Kryetari i Partisë Demokratike, Lulzim Basha po zhvillon një mbledhje me aleatët në selinë blu.
Të pranishëm në këtë takim janë kryetarja e LSI, Monika Kryemadhi, kreu i PR, Fatmir Mediu, Vangjel Dule i PBDNJ, Nard Ndoka i PDK dhe Agron Duka i PAA.
Vijimi i aksionit opozitar piritet të jetë lajtmotiv i diskutimit mes drejtuesve të partive opozitare.
