Ne nuk kemi policë të thjeshtë të përfshirë në trafikun e drogës, por shefat e tyre. Kjo u pohua nga gazetarja Klodiana Lala mbrëmjen e sotme në emisionin “Opinion”.
Lala hodhi dyshime se grupe kriminale apo eksponentë të krimit kanë nën kontroll ose akses të plotë në portin e Durrësit.
“Sot nuk kemi policë të thjeshtë të inkriminuar, por zyrtarë të policisë. Qeveria duhet të ketë sytë nga porti i Durrësit, pasi tenderat për sigurinë e tij janë miliona euro dhe eksponetë të krimit kanë akses dhe kontroll në port”, tha gazetarja Lala.
