Federata Ruse ka inaguruar kompleksin e ri residencial diplomatik në Tiranë, nënjë ceremoni ku janë bërë bashkë rreth 300 të ftuar.
Përfundimet e punimeve janë inauguruar më 27 shtator, ku të pranishëm ishin përfaqësues të MPJ-së së Shqipërisë dhe Bashkisë së Tiranës, të inteligjencës, shtypit, miq të Ambasadës dhe bashkatdhetarë që jetojnë në Tiranë.
Disa godina përbëjnë kompleksin e ri të Rusisë, ku do të vendosen Ambasada dhe ambientet e tjera për trupin diplomatik.
Ambasadori Aleksandër Karpushin theksoi se kompleksi ka të gjitha kushtet për stafin e ambasadës dhe familjet e tyre për të punuar, pushuar dhe për jetesën e përditshme.
Ndërkohë, ambasadori Karpushin do të largohet nga Shqipëria pasi ka përfunduar mandatin e tij 5 vjeçar.
Nuk dihet, sepse Federata Ruse ka ndërmarrë një investim të tillë në Tiranë, ndërsa herë pas here është paralajmëruar nga SHBA rreziku rus në Rajon.
“Udhëheqësit politikë në botën shqiptare duhet të jenë të vetëdijshëm dhe të ruhen nga kërcënimet ndaj sovranitetit që vjen nga Rusia dhe Turqia”, ka deklaruar eksperti i Politikës së Jashtme, David Phillips, sipas të cilit rreziku që paraqet ndikimi i Rusisë dhe Turqisë në Ballkan është real.
