Pasi PD u shpreh ‘pro’ draftit të ri të propozuar nga ambasadorët pë zgjedhjen e KLGJ dhe KLP, Kryetari i Kuvendit, z. Ilir Meta ka përshëndetur arritjen e marrëveshjes për Reformën në Drejtësi dhe kërkon formalizimin e reformës me votë në kuvend.
Duke falënderuar Kryeministrin z. Edi Rama, Kryetarin e PD-së, z. Lulzim Basha dhe Ambasadorët z. Donald Lu dhe znj. Romana Vlahutin, Kryetari i Kuvendit thekson se marrëveshja është shenjë pjekurie dhe bashkimi. Z. Meta bën thirrje për formalizimin e procesit me votën unanime në Kuvend.
“Falënderoj Kryeministrin z. Rama, Kryetarin e PD-së z. Lulzim Basha dhe ambasadorët z. Donald Lu dhe znj. Romana Vlahutin. Marrëveshja është shenjë pjekurie dhe bashkimi. Tashmë të formalizojmë procesin me votën unanime në Kuvend”, theksohet në mesazhin e Kryetarit të Kuvendit, z. Ilir Meta
