Inspektoriati Kombëtar i Mbrojtjes së Territorit ka nisur që në orët e para të mëngjesit të sotëm aksionin për shembjen e 51 objekteve në zonën e Radhimës, në Vlorë.
Sipas drejtoreshës së IKMT-së, Dallandyshe Bici, e cila është prononcuar për gazetarët, kaq do të jetë numri i ndërtesave ku do të ndërhyhet, pra 51, ndërsa pjesa tjetër që janë me hipotekë apo në proces legalizimi, do t’i lihet vendimit të ASHK-së, pasi siç u shpreh, janë objekte në proces legalizimi ose me dokumente hipotekore.
I pranishëm, përveç drejtoreshës së IKMT, Bici, ka qenë edhe drejtori i Policisë së Vlorës, Artion Duka.
Gjithashtu, zona ka qenë e siguruar edhe nga FNSH, ndërsa ka pasur përplasje mes pronarëve nga njëra anë dhe policisë e punonjësve të IKMT nga ana tjetër.
‘Na gritë nga lekët banditë’/ Nis shembja e ndërtesave në Vlorë, banorët përplasen me policinë
Pronarët kundërshtojnë shembjen e ndërtesave. Tensione u shënuan dhe dje.
Aksioni i IKMT/ Vijon përplasja mes qytetarëve dhe policisë në Jug (VIDEO-FOTO)
Ndërkohë aksioni për shembjen e objekteve pritet të vijojë gjatë gjithë vijës bregdetare nga Vlora deri në Orikum. Shembjet bëhen në kuadër të projektit “Lungomare 2”, që parashikohet të shtrihet nga Uji i Ftohtë deri në afërsi të tunelit në Vlorë.
