Historia e tij preku zemrat e mbarë shqiptarëve, të cilët kur historia e tij u publikua në media, arritën të bëheshin së bashku e të mblidhnin shumën që adoleshentit nga Shkodra i duheshin për kryerjen e operacionit në Genoa të Italisë.
Po flasim për 15–vjeçarin Musa Baculi, i cili pasi ndenji një kohë të gjatë në gjendje kohe, falë trajtimit të specializuar mjekësor dhe zemrës së madhe të shqiptarëve, arriti të shërohej.
Së fundmi, imami i njohur, Elvis Naçi ka publikuar një foto të Musait, i cili sot mund të shijojë bukuritë e jetës, pasi është shëruar plotësisht.
“Mrekullia e bashkimit të shqiptarëve”, kështu e ka cilësuar Naçi historinë e 15-vjeçarit, i cili nga vdekja e sigurt, tashmë gëzon shëndet të plotë.
Në përshkrimin e fotos së publikuar, imami shkruan:
”Nuk do ta besoni por ky djali qe ngjan kaq bukur eshte Musa Baculi, nga gjendja e Komes ai tani shijon bukurite e jetes! Kjo quhet thjeshte mrekullia e bashkimit te Shqiptareve.”
