Juristja Brizida Gjikondi dhe gazetarja Sonila Meço të ftuara në 360Gradë janë përfshirë në debat lidhur me draft raportin e Komisionit të Venecias.
Për Gjikondin nuk është problem dalja e draftit para datës së përcaktuar, ndërsa për gazetaren Sonila Meço institucionet ndërkombëtare nuk e rrjedhin informacionin .
Gjikondi: Raportet kështu dalin gjithmonë, dalin gjithmonë më përpara, si raporti i OSBE/ODIHR që doli në 4 shtator për zgjedhjet e 30 qershorit
Meço: Unë nuk e kam lexuar dhe më thuaj burimet pasi institucionet ndërkombëtare nuk e rrjedhin informacionin, nuk e nxjerrin.
Gjikondi: Vetë presidenti i republikës kreu një akt që quhet konflikt interesi vajti pranë komisionit të Venecias përpara 3 javësh dhe kjo u harrua dhe tani merremi pse doli raporti…
Meço: Kur thua që është një turp sepse ne i drejtohemi, turpi qëndron në këtë fakt se në asnjë vend të botës nuk publikohet përpara datës së caktuar një dokument konfidencial, të mos dalë përpara datës 29 shtator.
