Kreu i Kuvendit, Gramoz Ruçi, i ka ndërprerë fjalën, ministres së Mbrojtjes, Olta Xhaçka, gjatë një raportimi në Kuvend, mbi reagimin e institucioneve shtetërore ndaj tërmetit të 21 shtatorit.
“Koha juaj ka mbaruar, koha është e përcaktuar”, i është drejtuar Ruçi, ministres së Mbrojtjes.
Por një ndërhyrje e Taulant Ballës, duke i dhënë 5 minuta nga koha e tij, ministres Xhaçka, ka detyruar Ruçin që t’i hapë sërisht mikrofonin.
Xhaçka tha se disa qindra banesa janë bërë të pabanueshme si pasojë e tërmetit me magnitudë 5.8 të shkallës Rihter, i cili goditi Shqipërinë më 21 tetor.
“Në tërmete të tilla në vende të ndryshme ka pasur humbje të jetëve, por fatmirësisht në Shqipëri, kjo nuk ndodhi.
Reagimi i institucioneve shtetërore ka qenë i menjëhershëm, si asnjëherë më parë.
Reagimi i shtetit ndaj tërmetit nuk i la asgjë në dorë fatit. Prioritet ishte të ndihmohej çdo qytetar, madje ishte një mobilizim shumë më i madh sesa duhej”, tha Xhaçka.
